Bigarren urtez, Hezkuntza Sailak eta Elhuyar Fundazioak aisialdia eta zientzia-ekintzak eta -tailerrak uztartzen dituzten udalekuak jarriko ditu martxan. Apirilaren 15ean amaitzen da izen emateko epea.
Zientzia-tailerrak, aisialdiko ekintzak eta egun osoko irteerak burutuko dira, hiru helburu nagusirekin: ongi pasatzea eta bizikidetza lantzea, zientziaz gozatzea, eta euskaraz bizitzea.
Uztailean antolatuko dira, astebeteko hiru txandatan. Txanda bakoitzean, 50 gaztek parte hartuko dute. Lehen bi asteak 12-14 urte bitarteko gazteentzat izango dira, eta hirugarrena 14-16 urtekoentzat. Prezioa: 175 euro.
| 1. txanda: | Uztailaren 4tik 10era |
| 2. txanda: | Uztailaren 11tik 17ra |
| 3. txanda: | Uztailaren 18tik 24era |
Udalekuak Oiartzungo Aiako Parke Naturalean dagoen Arritxulo aterpetxean garatuko dira.
Izen ematea hurrengo Web-orriaren bidez egin daiteke: Zientzia Udalekuak. Azkar ibili, epea apirilaren 15ean bukatzen da eta.
Aiako Harria Parke Naturala ezagutzeko, animazio bidezko ikasmaterial hau ikustea proposatzen dizuegu: Gipuzkoako Parke Naturalak.
